--Ads--
Innayon ti International Criminal Court iti listaan da ni Senador Ronald “Bato” dela Rosa a wanted person kalpasan nga i-unseal ti arrest warrant mainaig iti kaso a crimes against humanity of murder.
Segun iti ICC Pre-Trial Chamber I, ti warrant kontra ken ni senador Dela Rosa ket immuna a nairuar idi Nobiembre 6, 2025.
Adda pakainaiganna daytoy iti alegasion iti crime against humanity of murder iti salinong ti Article 7(1)(a) ti Rome Statute iti nagbaetan ti Hulyo 3, 2016 ken Abril 2018, a maipagarup a saan a bumaba iti tallopulo ket dua ti pinatay iti pagilian.
Ti senador ket maitudtudo kas maysa a co-perpetrator ni dati a presidente Rodrigo Duterte iti drug war iti administrasion na.
-- ADVERTISEMENT --
