Inwaragawag ni Bise Presidente Sara Duterte a nangipila manen iti kiddaw iti International Criminal Court (ICC) a sumarungkar iti amana a ni dati a Presidente Rodrigo Duterte idiay The Hague, Netherlands inton Disiembre.
Mangnamnama ti Bise Presidente a maaprobaran ti kiddawna a personal a sarungkaran ti dati a presidente nga agdama a nakabalud.
Segun ken ni Sara, naituding a mangrugi ti padagdengngeg ti amana mainaig iti kaso a crimes against humanity iti ICC inton Nobiembre 30, 2026.
Kabayatanna, impapilit ti Bise Presidente a nasken a natimbeng ti relasion ti Pilipinas kadagiti dadduma a pagilian, pakairamanan ti People’s Republic of China, ken nasaysayaat no pagsasaritaan dagiti diplomatiko dagiti saan a pagkikinnaawatan iti teritorio.
Impaganetgetna pay a kanayon nga ipangpangruna ti gobierno ti nasional nga interes ti Pilipinas iti relasionna kadagiti sabali a pagilian imbes nga interes ti asinoman a politiko, negosiante wenno ganggannaet.
