Agpada a nadunor dagiti dua a nagmaneho iti motorsiklo gapu iti aksidente iti national highway idiay Barangay Vacunero, Sto. Domingo, Ilocos Sur itay ala una y media iti parbangon, April 5, 2026.
Ti nagmaneho iti Blue Yamaha Mio i125 motorcycle ket lalaki nga agtawen iti duapulo ket innem, addaan iti driver’s license, nagaramat ti helmet nga agnaed idiay Barangay An-annam, Bantay.
Ti nagmaneho met iti Yamaha NMAX 155 motorcycle ket lalaki nga agtawen iti uppat a pulo ket walo, naasawaan, holder iti professional driver’s license a nagaramat iti helmet nga agnaed idiay Barangay 23 Bacsil, Paoay, Ilocos Norte.
Sakbay iti insidente, agpada nga agturong iti bagatan a direksyon dagiti dua a motorsiklo a ti akin-sango ket ti NMAX.
Iti nadanon iti nasao a lugar kellaat a tinukbob ti ti Mio iti likodan a paset iti NMax a gappuanan iti pannakatumbada a dua.
Nagsagaba iti dunor iti naduma-duma a paset ti bagi dagiti dua a driver ken naipanda iti Ilocos Sur District Hospital – Magsingal para iti pannakaramingda.
Naammoan a ti driver ti Mio ket naka-inom iti arak idi napasamak iti aksidente.
