Impasigurado ni Senador Panfilo Lacson a saan a masayang dagiti naduktalan ti Blue Ribbon Committee kadagiti anomalya iti flood control projects uray adda nagbaliw iti liderato iti Senado.
Segun ken ni lacson, ti komite iti salinong iti panangidaulona ket nakaited ti fact-finding ken case buildup efforts iti Department of Justice ken Office of the Ombudsman kontra iti sumagmamano a personalidad.
Kinunana a naipablaaken iti publiko iti linaon ti Chairman’s Progress Report iti privilege speech-na idi May 5 ket nagbalin a paset dayta iti public record ken mabalin nga ibingay ti DOJ.
Kinuna ni Lacson nga imbilinan iti pannakaipatulod iti ebidensya iti Ombudsman ken DOJ.
Immunan nga inlawlawag ni Lacson a no man pay saan a naipakaammo iti publiko dagiti ebidensya sakbay iti privilege speech-na ta posible nga aglabsing kadagiti pagannurotan iti Senado, nangted dalan met iti saritana tapno maaramat ti DOJ ken Ombudsman dagita iti case building efforts.
