Indagadag ti Malakanyang ni Senador Ronald “Bato” dela Rosa a saan a natangken ti ulona a sumango iti pannakaaresto ken impapilitda nga ipatungpal ti Philippine National Police (PNP) ti linteg maibatay iti direktiba ni Presidente Ferdinand Marcos Jr.
Segun ken ni Palace’s spokesperson Clair Castro, imbilin ti Presidente iti dagus a pannakatiliw ni dela Rosa, ken naparpartak a panagtignay dagiti pulis ken sinuportaran ti presidente ti addang ti Department of the Interior and Local Government (DILG) ken Department of Justice (DOJ).
Iti sabali a bangir, kwinestyunaran ti abogado ni dela Rosa a ni Atty. Israelito Torreon ti P50-M a gunggona para iti impormasion a mangiturong iti pannakaaresto iti senador ket kiniddawna iti gobierno nga ipalgakna ti arrest warrant, numero ti kaso kriminal ken legal a nakaibatayan ti gunggona.
Pinasingkedan ti Torreon & Partners nga awan pay ti naipila a kaso kontra ken ni dela Rosa kadagiti korte ti Pilipinas ken pinagduaduaan met ti pannakausar ti pondo ti gobierno para iti gunggona ken ti pannakailadawan ti senador a kas “armed and dangerous.”
