Nakasagana ti Malakanyang nga ipa-audit ti ₱22.9 bilyon a pondo a nailatang iti hosting ti Pilipinas iti ASEAN summit ita a tawen tapno masigurado ti nasayaat a pannaka-aramat it kuwarta ti pagilian.
Daytoy ket iti baet dagiti pammabalaw a dakdakkel ti budget ita a tawen no ikumpara iti napalabas nga hosting idi 2017 iti salinong ti administrasion ni dati a Presidente Gloria Macapagal-Arroyo.
Segun kenni Palace Press Officer Atty. Cliare Castro, saan a mabalin nga ikumpara ti gastos idi ken ita gapu ta umabot iti 550 a taripnong mainaig ti ASEAN hosting, kumpara iti 279 idi 2017.
Karaman pay kadagiti masagsaganaan ti seguridad dagiti lider ti pagilian, dagiti aktibidad iti Metro Manila, ken Cebu, kasta pay dagiti infrastructure project.
Inkari ti Malakanyang nga idatag ti gobierno ti aktuwal a gastos ken nakasagana da nga ipasukisok ti tunggal pondo a naaramat.
