--Ads--

Inladawan ti Philippine National Police (PNP) ti maika-49 nga Association of Southeast Asian Nations (ASEAN) Summit and Related Summits a sapasap a natalna iti laksid ti pannakakemmeg dagiti ralihista ken sumagmamano a glitch.

Segun iti PNP, immabot ti 225 a ralihista ti nakemmeg sadiay Manila ken Muntinlupa City gapu iti mapapati a panaglabsingda iti linteg, pakairamanan ti panangangayda iti protesta nga awan ti pammalubos wenno permit.

Binilin ni PNP Chief PGen Jose Melencio Nartatez Jr. ti Anti-Cybercrime Group nga imbestigaran ken bigbigen dagiti indibidual ken grupo iti likudan dagiti social media post a mapapati a nangparegta iti kinaranggas ken pannakadadael dagiti sanikua.

Nasurok 20,000 nga opisial ti pulisia ti in-deploy ti PNP ken nangikabil iti naan-anay nga alerto ti Metro Manila ken dua a kabangibang a rehion tapno masigurado ti seguridad ken agtalinaed iti urnos iti intero a Summit.

-- ADVERTISEMENT --