Awan pay ti baro nga impormasyon iti Malakanyang maipanggep iti mapapati a revamp iti gabinete ni Pres. Ferdinand Marcos Jr.
Rimmuar iti report a posible a masukatan da Department of Information and Communications Technology (DICT) Secretary Henry Aguda, Acting Department of Budget and Management (DBM) Secretary Rolando Toledo, ken Department of the Interior and Local Government (DILG) Secretary Jonvic Remulla.
Ni Toledo ket mapapati a sukatan ni UP Professor Kim Robert de Leon kas secretary iti DBM idinto a ni Atty. Benhur Abalos ket posible a madutokan kas secretary iti Department of Justice (DOJ).
Ngem segun ken ni Palace Press Officer Undersecretary Claire Castro, awan pay iti naidanon iti Malakanyang iti aniaman a panagbaliw dagiti secretary iti gabinete.
Siguradoen ti Malakanyang nga agtalinaed ti talek ti presidente iti cabinet secretaries-na pakairamanan dagiti rumrumuar nga espekulasyon a sumagmamano nga opisyal iti adda iti mapapati a “chopping block” iti administrasyon.
