VIGAN CITY– Naisayangkat iti anti-illegal gambling operations ti Philippine National Police (PNP) iti probinsiya ti Ilocos Sur kalpasan iti panangideklerar ni Presidente Rodrigo Duterte.
Idi naminsan ket dua a lallaki iti nakemmeg dagiti miyembro ti Candon City police station gapu iti panagay-ayam da iti cara y cruz idiay Brgy. San Jose, syudad ti Candon.
Nabigbig dagiti suspek nga isu da Ferreol Abaya Jr., agtawen iti dua pulo ket pito, awanan iti pagsapulan, ken residente ti Brgy. San Jose kenni Sonny Paligutan, agtawen iti dua pulo ket innem, baro, tricycle driver ken residente ti Brgy. Calongbuyan, Candon City.
Naala manipud kadagiti suspek iti lima a piraso iti 20-peso bill, dua a piraso iti ten-peso coin ken walo a piraso iti 5-peso coin a pakabuklan iti gatad a sangagasut ket innem a pulo a pisos ken dua a piraso iti 25-centavo coin a gambling paraphernalia.
