Manamnama nga agipasa ni Bise Presidente Sara Duterte ti sungbat na inton Lunes, March 16 iti dua nga impeachment complaints kontra kenkuana kalpasan a naideklarar a sufficient in form and substance.
Impakaammo ni House Committee on Justice member ken Bicol Saro Representative Terry Ridon nga agleppasen ti sangapulo ng aldaw nga inted ti komite iti Bise Presidente tapno sumungbat iti reklamo a sangsangoen na.
Kas bilang agipasa ti VP Sara ti sungbat-na, impaganetget ni Ridon a maikkan ti gundaway ti nag-endorso ti impeachment complaint nga agsarita ken kalpasan ket maikkan met ti gundaway ti bise presidente nga agipasa ti rejoinder-na.
Kabayatanna, pinasingkedan pay ti opisial a kas bilang agipasa ti sungbat ni VP Sara ket kitaen ti Justice Committee no “sufficient in grounds” ti impeachment complaints ken manamnama a maangay ti hearing proper inton Abril 8.
Kabayatanna, inlawlawag pay ni Ridon a mabalin a mapa-bassit ti agbalin a taray ti impeachment process kas bilang saan nga agipasa ti sungbat ni VP Sara.
Binabalaw pay ti opisial ti akusasion ti bise presidente a maysa nga “fishing expedition” ti impeachment proceedings kontra kenkuana.
