Natalek ni Mamamayang Liberal (ML) party-list Rep. Leila de Lima a saan nga epektibo iti siasinoman a maisukat ken ni Nicholas Kaufman gapu iti kinapigsa iti ebidensya kontra iti kliyentena a ni dati a Pres. Rodrigo Duterte.
Segun ken ni de Lima, saan nga agtaka iti panag-withdraw ni Kaufman kas abogado ni Duterte iti International Criminal Court (ICC) ta narigat a talaga nga idepensar ti kas ti dati a presidente a nakasoan iti crimes against humanity.
No pay ksta ket ammo dagiti professional ken experienced ICC Judges ken uray dagiti defense lawyer iti ICC a saan a madala iti procedural attack ken public appeal ta nakatutok laeng ti korte kadagiti ebidensya nga adda iti sangoda.
Maysa a rason ni Kaufman no apay a nag-withdraw kas abogado ni Duterte ket gapu ta makatawen laeng ti kontratana a nagleppas idi March 31, 2026 ken nakaituding a kasarita iti baro a defense lawyer ti kliyentena iti pagbaludan.
Kabayatanna, saan a madanagan ni De Lima ta uray sino iti mangsukat ken ni Kaufman ket maituloy ti laban tapno madusa ti dati a Presidente ken maited ti hustisya kadagiti biktima iti nadara a war on drugs.
