Nagpanawagan ni Davao City 1st District Representative Pulong Duterte ti komprehensibo ken saan a selective nga imbestigasion iti maipagarup a napasamak nga extrajudicial killings idi panawen ti ama na a ni former President Rodrigo Duterte.
Daytoy ket kagiddan ti pannkabukel ti Truth Commission, maysa a grupo a bukbuklen dagiti human rights advocate nga idadauloan ni dati nga International Criminal Court (ICC) Judge Raul Pangalangan.
Pinasingkedan ti presidential son a saan a mabalin a mapil-pili laeng ti kayat a birukan ti kinapudno, ngem imbes ket masapul nga agbalin a komprehensibo ti maisaysayangkat nga imbestigasion ti nadakamat a komision.
Innayon pay ni Duterte a dagiti damag a panagpatay ket masapul ti nainget nga imbestigasion ken sinuman a maammuan a responsablel ket masapul a madusa.
