Pinasingkedan dagiti prosecutor ti International Criminal Court (ICC) nga adda iti panagannadda ti 2,279 a piraso ti ebidensia a maibilang nga “incriminating” iti kaso kontra ken ni dati a Pres. Rodrigo Duterte.
Dagiti nasao nga ebidensia ket paset ti 6,909 items nga imbutaktak ti prosecution iti defense manipod January 7 agingga July 31, 2026 kas maibasar ti notification a napetsaan idi August 5.
Ti “incriminating” evidence ket mangdakdakamat kadagiti material a maaramat tapn paneknekan ti basol ti akusado.
Kabayatanna, 4,573 nga ebidensia iti na-classify iti Rule 77 iti ICC a pakairamanan dagiti libro, dokumento, ladawan ken dadduma pay a pisikal a materyales a kasapulan a maikkan ti gundaway ti depensa tapno adalen.
Adda pay limapulo ket pito nga ebidensia ti nadakamat kas “potentially exonerating” wenno dagiti material a posible a makatulong tapno maikkat ti bileg ti basol ti akusado.
Kabayatanna, nakaituding ti trial ni Duterte inton November 2026.
