Pinasingkedan ni Palace Press Officer Atty. Claire Castro a saan a binaybay-an ti gobierno ti dadduma pay nga isyu ti pagilian, pakairaman dagiti alegasion ti maanomalya a flood control projects.
Daytoy ket iti baet ti patangan iti impeachment complaints kontra ken ni Bise Presidente Sara Duterte.
Pammasingked daytoy ni Castro kas sungbat kadagiti obserbasion a kasla nakapokus laengen ti gobierno iti impeachment case.
Inlawlawag ti opisial a saan a ni Presidente Ferdinand Marcos Jr. ti nag-pokus iti patangan, ngem iti Kongreso a sumursurot laeng iti mandato.
Innayon na nga agtultuloy ti imbestigasion ti isyu ti flood control projects iti salinong ti Office of the Ombudsman nga isu ti adda hurisdiksion kadagiti kaso nga adda pakainaigan na iti korapsion iti gobierno.
