Impanawagan ni Representative Joe Chua ti panangipalawag ti maipagarup a dakkel a diperensia iti nagbaetan ti datos ti Anti Money Laundering Council ken Statement of Assets, Liabilities, and Net Worth (SALN) ti Bise Presidente.
Segun ken ni Chua, “makapadudua” ti gatad a rimmuar iti figure ti AMLC ken maipagarup a saan a kapada iti indeklarar a baknang Bise Presidente Sara Duterte, isu a masapul a mailawlawag.
Pinasingkedan pay ti agpampanday linteg a segun iti 1987 Philippine Constitution, saan a mapalubosan ti presidente, bise presidente ken dagiti miembro ti gabinete a makipaset iti negosio.
Nupay kasta, rimmuar ti SALN ni VP Sara a nagdeklarar ti bise presidente kas board of director, a maysa pay a malawlawagan.
Napateg a malawagan ti publiko tapno mapagtalinaed ti talek iti gobierno ken masigurado ti integridad dagiti opisial.
