Inusig ti impeachment court ti consistency ti P98.5 million a kinabaknang nga indeklara ni Bise Presidente Sara Duterte iti 2025 SALN-na ken dagiti financial transactions a nairuar kabayatan ti hearing.
Dinakamat ni Prosecution Legal Spokesperson Atty. Benjamin Tolosa ti mapapati a P41 million withdrawal iti maysa nga aldaw, a nabingay iti P23 million ken P18 million.
Inlawlawag ni Tolosa a dagiti rekord ket manipud iti Anti-Money Laundering Council (AMLC), a naibasar kadagiti report manipud kadagiti banko ken dadduma pay a masakupan nga institusion.
Inpetteng ni Tolosa a ti mapagduaduaan a transaksion ket saan nga otomatiko a kayatna a sawen a napasamak ti krimen ken kasapulan pay laeng a mailawlawag ken mausig daytoy iti proseso ti impeachment.
