--Ads--
Pinaglibakan ti House prosecution a na-coach ni Anti-Money Laundering Council (AMLC) Secretariat Executive Director Ronel Buenaventura sakbay a simmango iti impeachment trial ni Vice President Sara Duterte.
Segun ken ni House prosecutor ken Bicol Saro Partylist Rep. Terry Ridon, saan a kasapulan pay a surwan ni Buenaventura gapu ta nalaing daytoy.
Nagleppas ni Buenaventura ti kina-abogado idiay Bulacan State University idi 2015 ken nagleppas iti maika-10 iti Bar examinations idi isuna met laeng a tawen.
Nagbalin a saludsod iti panagdenggeg ti sumagmamano a presentation slides ti prosecution a kapada dagiti dinakamat ni Buenaventura kas mangipakita iti makapadudua a transaksion.
-- ADVERTISEMENT --
