Saan a direkta a naammuan dagiti bank witness iti impeachment court no ania a transaksion da Vice President Sara Duterte ken ti asawa na a ni Atty. Manases Mans Carpio ti na-flag kas suspicious gapu iti bank secrecy ken dagiti pagannurotan ti anti-money laundering, segun iti House prosecution.
Daytoy ti panangipalawag ni House trial spokesperson ken Lanao del Sur Rep. Zia Alonto Adiong kalpasan a masaludsod no apay a balance, deposit ken withdrawal laeng ti nadakamat dagiti bank witness ken saan nga dagiti partikular a suspicious transaction.
Agipaspasa dagiti bangko ken dadduma pay a covered institution ti suspicious transaction report iti Anti-Money Laundering Council (AMLC), ken adda dagiti restriksion iti linteg.
Kabayatanna, pinasingkedan ni prosecution counsel ken legal spokesperson Atty. Benjamin “Jay” Tolosa Jr. a limitado pay ti ammo dagiti empleyado ti bangko iti gagem ti account holder iti maysa withdrawal wenno deposito.
