Saan a madanagan ni financial expert Atty. Alexander Cabrera iti balaag ti kampo ni Vice President Sara Duterte iti posibilidad a mabalud wenno ma-multa gapu iti maipagarup a panaglabsing kadagiti linteg iti bank secrecy ken confidentiality.
Iti naisayangkat nga cross examination ti depensa ken ni Cabrera ita nga aldaw, Oktubre 12, inkalintegan na a iti panagsukisok kadagiti financial record dagiti agasawa a da Vice President Sara Duterte ken Atty. Manases Mans Carpio a nangibutaktak ti maipagarup a nasurok P817 milyon a saan a naideklarar a baknang ken pastrek da manipud 2022 agingga 2025.
Sakbay daytoy, impalagip ni Atty. Kristine Ferrer ti defense team ken ni Cabrera dagiti probision ti Anti-Money Laundering Act, partikular ti Section8-A mainaig iti panaglabsing iti confidentiality.
Sinaludsod pay ni Atty. Ferrer ti testigo no saan isuna a madanagan iti panangawat dagiti dokumento manipud iti Bureau of Internal Revenue nga awan ti pammalubos iti korte.
Insungbat ni Cabrera a nalawag iti trabaho na nga awaten dagiti dokumento, sukisoken dagituy ken idatagti findings kas forensic examiner.
