Pinalubosan ti Senate impeachment court ni Anti-Money Laundering Council (AMLC) Secretariat Executive Director Ronel Buenaventura kas witness ti prosekusyon iti impeachment case ni Vice President Sara Duterte.
Pinagkedkedan gamin ti Korte ti mosion ti depensa nga ikkaten ni Buenaventura kas witness.
Segun ken ni Presiding Officer Francis “Chiz” Escudero, saan nga absolute a protektado iti subpoena dagiti rekord ti AMLC.
Impaganetget ti prosekusyon a mabalin a idatag ni Buenaventura dagiti rekord ti transaksion nga adda kabuklan a P4.4 bilyon a mapapati a pakairamanan ni Duterte ken ti asawa na a ni Atty. Manases Mans Carpio manipud 2007 agingga 2025.
Pakairamanan daytoy ti maipagarup a P41 milyon cash withdrawal ni Carpio idi August 2, 2024, uray pay ti P319 milyon remittance manipud China iti CALE88 Foods Corporation ken P14.88 milyon a gatad dagiti tseke a maipagarup a naka-nagan ken ni VP Sara kas benepisyaryo.
