Pinaglibakan ti House prosecution panel a political persecution ti impeachment case kontra ken ni Vice President Sara Duterte.
Sungbat daytoy ti prosecution iti nagbalin nga statement iti maysa a press briefing.
Segun ken ni House prosecution spokesperson Robert Ace Barbers, nakabasar ti kaso kadagiti dokumento ti gobierno ken bangko, pakairamanan iti testimoniya dagiti testigo.
Para met ken ni Manila Rep. Joel Chua, kasapulan a sungbatan ni VP Sara dagiti alegasion kontra kenkuna, pakairamanan ti maipagarup a madi a panagaramat ti confidential funds ken ti panag-pangta na kada Presidente Ferdinand Marcos Jr., First Lady Liza Araneta-Marcos ken dati nga House Speaker Martin Romualdez.
Kabayatanna, kinarit ni Prosecution Legal Spokesperson Atty. Benjamin “Jay” Tolosa Jr. ti depensa a mangted ti nalawag a panangipalawag mainaig kadagiti saludsod mainaig iti baknang ni VP Sara.
