Ibilang ti House Prosecution Panel a posible a baro nga addang tapno maitantan ti impeachment trial ni Vice President Sara Duterte ti plano a panangiyasideg ti defense team na iti Korte Suprema.
Ti statement ket kasaruno iti impaganetget ni defense spokesperson Atty. Michael Poa a nakasaganada nga ipan iti Korte Suprema ti patangan iti kasapulan a botos tapno masentensia-an ti bise presidente iti impeachmen trial iti Senado.
Maipalagip nga idi Setyembre 23, nagbotos ti Senate Impeachment Court tapno ibaba ti voting threshold wenno required a botos iti impeachment proceedings no sadino 13 a senador ti pabor ken maysa ti saan nga immanamong.
Segun met kenni Rep. Zia Alonto Adiong, nagirruar ti decision ti Korte Suprema iti kapada a patangan idi Setyembre 30 idi maibasura ti agsina a petision da Atty. Victor Rodriguez, Atty. Ernesto Francisco Jr., ken Berteni Cataluña Causing gapu iti kina-awan ti legal standing ken panagbalin a premature kadagiti maipila a kaso.
