Napatulodanen ti House Committee on Justice ti subpoena ni dati a Senador Antonio Trillanes IV para iti pannakipaset na iti nakatuding a panagdenggeg ita nga aldaw, Abril 22.
Basar iti nakaipalaon ti subpoena, nakiddaw ti senador ti original wenno certified true copy dagiti dokumento a nakaikabilan dagiti alegasion na kontra ken ni Bise Presidente Sara Duterte kas ti saan a maipalawag a kinabaknang ti bise presidente a saan a nakaikabil iti Statement of Assets, Liabilities, and Net Worth na.
Ti panagatendar ni Trillanes iti nadakamat a panagdengngeg ket tapno tumestigo mainaig iti maipagarup a joint bank accounts da dati a Presidente Rodrigo Duterte ken ti anak na a ni VP Sara.
Dagiti nadakamat nga account ket naglaon ti maipagarup a ginasut a milyon wenno bilyon a piso a nakaideposito wenno naitransfer iti uneg ti mano a tawen.
