--Ads--
Kiniddaw ti prosekusion ti International Criminal Court (ICC) a palubosan nga usaren kas ebidensioa dagiti immuna a nairekord a testimonia dagiti lima a testigo iti kaso a crimes against humanity kontra ken ni dati a Presidente Rodrigo Duterte.
Nagkiddaw ti pammalubos ti prosekusion iti ICC Trial Chamber III nga opisial nga iserrek kas ebidensia dagiti transcript ken dadduma pay a mainaig a materyal dagiti lima a testigo.
Pinasingkedan ni Acting Prosecutor Mame Mandiaye Niang a makatulong ti nadakamat nga addang tapno mapadaras ti trial ken makissayan ti oras a masapul iti direkta a panagsaludsod dagiti testigo.
Nupay kasta, agtaltalinaed a nakalukat dagituy iti cross-examination ti depensa ken nayon a panagsaludod ti korte ken dadduma pay.
-- ADVERTISEMENT --
