Kumpiyansa ni Bicol Saro Partylist Representative Terry Ridon nga adda naan-anay ken natibker a basaran tapno denggen ti Senado ti impeachment complaint kontra ken ni Bise Presidente Sara Duterte.
Daytoy ket gapu iti natakuatan a P6.7 bilyon bank transactions ken ti pangta iti biag ti Presidente.
Dinakamat ni Ridon dagiti rimmuar nga impormasion iti panagdenggeg ti House Committee on Justice.
Ti dakkel a paset ti kuwarta ket simrek ken rimmuar kadagiti bank account ti bise presidente ken ti asawana a ni Atty. Mans Carpio iti uneg ti sumagmamano a tawen a nangpapigsa ti basaran.
Pinasingkedan pay ni Ridon dagiti immuna a panagdengngeg mainaig iti isyu ti confidential funds ket nagipakita ti nalawag a probable cause kontra ken ni Duterte.
Kabayatanna, iti nakaituding a panagdengngeg inton Abril 29, manamnama a madesisyonan ti komite no malukatan dagiti dokumento ti Bureau of Internal Revenue nga adda pakainaiganna iti kaso.
