Nasuron dagiti sumagmamano a senator-judges iti umuna a testigo ti kampo ni Vice President Sara Duterte gapu iti saan a nalawag a sungbat na mainaig ti biahe da idiay China ken iti maysa a property nga mainaig iti asawa ti bise presidente a ni Atty. Mans Carpio.
Iti maika-40 nga aldaw ti trial, impasango ti depensa ni Davao City Assessor Jaime Adalin tapno paneknekan a nakalista iti Statement of Assets, Liabilities and Net Worth wenno SALN ni Duterte ti makwes-kwestionaran a sanikua na idiay Matina Crossing, Davao City.
Sinaludsod ni House private prosecutor na si Atty. Benjamin Tolosa Jr. ni Adalin no karaman kadagiti opisial ti siudad a nagbiahe idiay China idi Nobiembre 2025.
Pinasingkedanna met ni Senator-judge Vicente Sotto III a napateg ti saludsod tapno maammuan no mapagtalkan ti testigo.
Binalakadan met ni Senador-judge Erwin Tulfo ni Adalin a mabalin isuna ma-cite in contempt iti panangliklik na iti saludsod mainaig iti biahe.
Kabayatanna, inakusaran met ni Senator-judge Raffy Tulfo nga agsalsalawasaw mainaig iti maysa a sanikua idiay Davao City nga adda karatula na a Prime Bistro.
