Duapulo ket maysa iti duapulo ket uppat a testigo a kayat nga ipasango ti kampo ni Vice President Sara Duterte iti impeachment trial ti naipaayanen ti subpoena kas panagsagana iti agtultuloy a panagdengngeg inton Nobiembre 9 agingga 13.
Kinumpirma daytoy ni Senate Secretary ken Impeachment Clerk of Court Renato Bantug Jr., a segun kenkuana, ti nabatbati a tallo a subpoena ket maipasa met inton Lunes.
Manamnama a mangrugi iti nasao nga aldaw ti presentasion ti depensa, no sadino sumango dagiti testigo para iti direkta a panagsaludsod ti kampo ni Duterte, cross-examination ti prosecution ken panagsaludsod dagiti senator-judges.
Maipalagip a 24 a testigo ti nabatbati iti listaan ti depensa kalpasan nga nagsanud ni Dean Ralph Sarmiento, nga immuna met laeng a napaayaban.
