VIGAN CITY— Panaglabsing iti linteg ket saan a political harrasment iti rason iti pannakasuspenso ni Mayor Roque Versoza ti Tagudin, Ilocos Sur.
Dayta iti inpatangken ni Ilocos Sru Governor Ryan Luis Singson inaig iti 6-month suspension order kontra kenni Mayor Versoza gapu iti panangabuso na iti otoridad na kas maysa nga opisyal iti gobierno idi inpasardeng na iti quarry operation dagiti contractor nupay nakabayad dan ti permit iti provincial government.
Innayon iti gobernador a dakkel a pukaw dagiti contractor ken iti gobierno iti pannakaipasardeng iti quarry operation.
Immuna iti daytoy, nagtugawen ni Vice Mayor Bernardo Tovera Jr. kas acting Mayor iti nasao nga ili kalpasan nga inpatungpal ti Department of Interior and Local Government-Ilocos Sur iti innem a bulan a suspension order kontra kenni Mayor Versoza tapnu mawayaan iti imbestigasyon dagiti kaso a sangsangwen na.
Maipalagip a nakasoan ni Versoza iti grave misconduct, insubordination ken abuse of authority nga inpila da Noreen Sibayan, Gemma Chiu ken Joel pastores nga agpapada a permitting officer kenni Engr. Reymund Sinai, Provincial Environment and Natural Resources Officer gapu iti panangipasardeng na iti quarrying operaation iti ili da.
Para kenni Versoza, inpasardeng na iti nasao nga operasyon gapu iti pannakadadael iti aglawlaw ken pannakadidigra dagiti umili nu dumteng dagiti bagyo.
