Balligi ti pannakakemmeg ti maysa a High Value Target babaen iti naiwayat a buy-bust operation iti ili ti Sta. Lucia.
Ti suspek ket agtawen iti uppat a pulo ket dua, miembro ti Sputnik Gang, agnaed iti Dolores, Taytay, Rizal.
Iti pannaki-uman ti Bombo Radyo Vigan ken ni Police Captain Jake Bryan Riberal, Officer-in-charge ti Sta. Lucia Police Station, datin a nabalud ti suspek ngem nakaruaren ta adda idi ti kasona a Theft.
Maibasar iti resulta ti drug test, positibo nga agar-aramat ti suspek ti iligal a droga ken damona laeng ti umay iti nasao nga ili a target-na a paglakwan.
Nakumpiskar ti nasurok-kumurang 100.94 grams ti mapapati a shabu nga aggatad iti P686,392 a naikabil iti 3 a heat-sealed transparent plastic sachet a nagserbi a buy-bust item ken ikot ti suspek a daytoy ket nagpositibo met laeng iti drug test.
Dagiti met non-drug evidence ket pakairamanan ti maysa a genuine P1,000, maysa a P500 a personal money, small envelope, black belt bag, ken backpack.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
