Pormal a kinumpirma ni Ramil Madriaga iti panagdenggeg ti Kamara ti naawat na a direktiba manipud ken ni Bise Presidente Sara Duterte para iti maysa a maipagarup a delivery idi Disiembre 2022 nga adda pakainaiganna iti kontrobersial a panagaramat ti P125 milyon a confidential funds.
Iti panagsaludsod ni Lanao del Sur 1st District Representative Zia Adiong, naipasidong kadagiti clarificatory questions ti saksi a ni Madriaga tapno ilawlawag dagiti detalye a nakaipalaon iti impasa na nga affidavit ken supplemental affidavit.
Naka-sentro ti interogasion iti maysa a complaint mainaig iti kuwestionable a panagaramat ti pondo ti gobierno.
Direkta a dinamag ni Adiong ken Madriaga no pudno ti nakaipalaon iti affidavit na a nakaawat isuna ti tawag manipud iti Bise Presidente idi Disiembre 20, 2022 tapno mangted ti direktiba.
Simmungbat met ni Madriaga ti “Opo” ken kinumpirma na ti eksakto nga statement a maipagarup nga imbaga ni VP Sara.
