Kaso a kriminal kontra ken ni VP Sara iti confidential funds, namnamaen ti House prosecution

Namnamaen ti prosecution panel ti Kamara a mangipila dagiti kaso a kriminal ti Office of the Ombudsman kontra ken ni Vice President Sara Duterte mainaig ti madi a panagaramat ti confidential funds kasaruno ti panangrugi ti ahensia iti panagsukisok dagiti ebidensia.

Segun ken ni House trial spokesperson Zia Alonto Adiong, ti ar-aramiden a panagala ken panagsukisok ti ebidensia ti Ombudsman ket mabalin a mangitunda ti panagipila ti kaso kontra kadagiti responsable nga opisial ti Office of the Vice President (OVP) ken ti Department of Education (DepEd), no sadino ni VP Sara ti dati a nagserbi kas secretary.

Pinasingkedan ni Adiong a saan laeng a simple a madi a panagaramat ngem posible a panang-sayang ti pondo ti pagilian ti patangan, isu a nasken laeng nga adda ti sabali nga imbestigasion ti Ombudsman kalaksidan pay ti proseso ti impeachment.

Innayonna a no ituloy ti Ombudsman ti panagipila ti kaso iti Sandiganbayan, kayat na a sawen a naan-anay ken natibker ti iggem da nge ebidensia tapno mapaneknekan a responsable ti bise presidente.