Pinasingkedan ni Ramil Madriaga nga awan ti sinuman a nangpilit, nangbayad wenno nangikari kenkuana a mawaya-wayaan kasukat ti affidavit na iti maipagarup nga aramid ni Bise Presidente Sara Duterte ken ti pamiliana.
Iti panagdengngeg ti House Committee on Justice, impaganetget ni Madriaga a boluntario isuna a nangaramid ti affidavit-na.
Inkalintegan na a saan isuna a napilitan ken saan isuna a nagkiddaw ti aniaman a kasukat iti panagaramid ti affidavit-na. Idi saludsuden isuna ni Representative Janette Garin no apay nga isuna ti nagdesision nga agsao, insungbat ni Madriaga a karbengan dagiti Pilipino a maammuan ti maipagarup nga irregularidad a pakairamanan ni Atty. Harry Roque, partikular iti isyu ti land grabbing.
Segun ken Madriaga, masapul a maammuan ti publiko ti ar-aramiden a panagloko ni Harry Roque a pro-protektaran ni VP Sara.
