Impetteng ni Senador-judge Bam Aquino a nasken a maammuan ti pudno nga akem ni Bise Presidente Sara Duterte iti GenCorp Industries Inc., kalpasan a pinasingkedanna a ti bise presidente a mismo ti nangiraman iti GenCorp iti 2024 ken 2025 SALN-na.
Segun iti witness ti SEC a ni Atty. Gerardo Del Rosario, saan nga agparang ti nagan ni Duterte iti GIS ti GenCorp, isu a saanna a maikeddeng no ania ti eksakto nga akemna iti kompania.
Sinaludsod ni Aquino iti depensa a ni Atty. Justin Gular no ania ti akem ni Duterte iti GenCorp, ngem kinuna ti abogado a nasapa pay a mapagsasaritaan daytoy ken mabalin a masungbatan iti umno a paset ti panagdengngeg.
Kabayatanna, kinuna ni Del Rosario a malawlawagan dagiti corporate officers ti GenCorp ti akem ni Duterte a pakairamanan dagitoy ti presidente a ni Kimberly Justin Y. Cruz, treasurer a ni Ritchie Evet L. Cruz ken ti secretary ti korporasion a ni Girley S. dela Cruz.
Kabayatanna, kayat ni senator-judge Aquino a maammuan no ania ti husto nga akem ti bise presidente iti Gencorp.
