Depensa, kimmontra iti “hostile witness” designation ken ni Baste Duterte

Kinontra ti defense counsel a ni Atty. Justin Gular ti panangideklara ti House prosecution a “hostile witness” ni Davao City Mayor Sebastian “Baste” Duterte.

Segun ken ni Atty. Justin, saan a makanay a pagibasaran dagiti political statement ni Duterte tapno paneknekan nga adda hostility-na iti impeachment court.

Impaganetgetna a ti atap a kapada ti posision ni Duterte ti respondent ket nagtaud laeng iti panirigan ti prosecution ken saan a maibasar iti mismo a testimonia ti mayor.

Inlawlawag ti abogado a saanna kayat a sawen a saan a kayat ni Duterte ti tumestigo gapu ta dimmar-ay iti hearing kalpasan a mapatulodan iti subpoena.