Naipilan ti kaso a Theft kontra iti babai a nagtakaw iti naglakwan ti maysa a botika iti Barangay Tablac, Candon City, Ilocos Sur.
Ti biktima ket ti maysa a babai a pharmacy assistant nga agtawen iti limapulo ket pito, taga-Barangay Salvador Primero, Candon City.
Ti met suspek ket ti babai nga agtawen iti uppat a pulo, taga-Barangay San Pablo, San Esteban.
Iti pannaki-uman ti Bombo Radyo Vigan ken ni PLT. Jovelyn Antalan, paglibakan ti suspek ti inaramidna idi pinasublida iti botika ngem dagus a nagpatulong ti biktima iti kapulisan isu a nagrespondeda.
Maipalagip a ti suspek ket ginundawayanna nga innala ti P29,000 a gatad iti wallet ti biktima a naikabil iti bag-na a naiparabaw iti lamisaan idi adda simmangpet a sabali pay a customer.
Nupay kasta, adda met nakasiput kenkuana a witness ngem impagarupna idi damo a kukua ti suspek ti wallet agingga a naamirisna laengen a kukua ti biktima idi agbalaw a mapukpukawan.
