Impakita ti Pulse Asia ti kaudian a survey ket 32% ti trust rating ni President Ferdinand Marcos Jr. idinto a ni Vice President Sara Duterte ket 50%.
Ti findings ti naisayangkat a survey manipod May 6 agingga 9 kadagiti 1,200 a registered voters ket naaddaan ti trust rating a 63% ken ni dati a President Rodrigo Duterte.
Ti survey ket addaan ti overall margin of error iti +2.8 percentage points.
Kadagiti agtalek ken ni president Marcos ket nanayunan iti tallo isu nga umaboten ti 32% manipod iti 29% idi Abril idinto a kadagiti saan nga agtalek kenkuana ket bimmaba ti tallo a porsiento ta 42% ita a bulan manipod iti 45% idi Abril.
Bimmaba met ti trust rating ni Vice President Sara Duterte ta 50% ita May manipod iti 57% idi Abril idinto a kadagiti saan nga agtalek kenkuana ket 25% ita May manipod iti 18% idi napan a bulan.
Bimmaba met ti maysa a porsiento ti trust rating ni dati a President Rodrigo Duterte ta 63% ita May manipod 64% idi Abril idinto a ti saan nga agtalek ket ngimmato ti dua a porsiento manipod 15% idi Abril ket nagbalinen a 17% ita a bulan.
