Kinumpirma ti International Criminal Court a masapul a personal a sumango iti trial ni dati a Presidente Rodrigo Duterte para iti kaso a crimes against humanity kalpasan a kumpirmaran ti Pre Trial Chamber I dagiti charges kontra kenkuana.
Segun iti ICC, nalawag iti Rome Statute a masapul a a presenta ti akusado iti panawen ti trial.
Maipalagip nga immatendar ti dati a presidente iti Pre Trial Chamber idi Marso 2025, ngem saan isuna a nakipaset kadagiti simmarsaruno a panagdengngeg, pakairamanan ti confirmation of charges proceeding idi Pebrero.
Iti salinong ti patakaran ti ICC, mabalin a temporario nga ikkaten ti akusado iti courtroom no maka-istorbo isuna iti trial, ngem maikkan latta isuna ti gundaway a suroten ti proceedings babaen iti communication technology ken makibinnulig kadagiti abogado-na.
Nupay kasta, pinasingkedan ti korte a dagituy nga addang ket mausar laeng iti exceptional circumstances.
