Pinasingkedan ni Senate President Pro Tempore Panfilo “Ping” Lacson nga adda umanay a pondo ti Senado para iti possible nga impeachment trial kontra ken ni Vice President Sara Duterte.
Segun ken ni Lacson a chairman ti Senate Committee on Accounts, nasurok-kukurang P26 million ti mabalin a maaramat manipod P27 million a nailatang iti salinong ti 2025 General Appropriations Act (GAA).
Segun ti senador, adda iti “continuing appropriations” ti pondo isu a mabalin nga aramaten iti uneg iti dua a tawen.
Imbingay pay ni Lacson a nasurok-kumurang P500,000 iti nagastos iti Senado idi umun-una a naawat ti Articles of Impeachment kontra ken ni Sara Duterte idi napan a tawen.
Impaganetgetna a nakasagana ti Senado no kas bilang agipasa manen ti impeachment case manipod Kongreso ken siguradoenna a nakabasar laeng iti ebidensya iti panagiggem dagiti senador iti kaso ti bise presidente.
Impalagipna kadagiti padana a senador a posible nga agserbi ti senator-judges nga agbalin latta a nadayaw ken panangipatungpal iti husto a proseso no kas bilang agturong iti impeachment trial iti Senado.
