Impakaammo ti Department of Energy (DOE) a simmangpet ti 178 million a litro iti diesel kas paset ti addang iti gobierno tapno papigsaen ti suplay iti langis iti baet iti agtultuloy a rinnupak idiay Middle East.
Segun ti DOE, ti naudi a shipment ket mangkumkumpleto iti uppat a kargamento iti salinong ti Executive Order No. 110 nga inruar ni Pres. Ferdinand Marcos Jr. tapno salakniban ti ekonomia kontra iti agbaliw-baliw a presyo iti langis iti world market.
Segun ken ni Energy Secretary Sharon Garin, ti balligi a delivery nga indauluan ti Philippine National Oil Company-Exploration Corporation (PNOC-EC) ket pammaneknek iti insigida a tignay iti gobierno tapno masigurado iti umdas a suplay iti fuel iti pagilian.
Naiwaras dagiti shipment kadagiti kangrunaan a hub idiay Batangas, Subic, ken Davao tapno maaddaan iti umdas a suplay iti agduduma a paset iti pagilian.
Impagenetget ti DOE a napateg ti reserba tapno masigurado nga agtultuloy iti operasyon ti transaksyon, logistics ken agrikultura.
