Impasigurado ti Department of Energy (DOE) iti pagilian ti natalged ken umdas ti suplay ti kuryente para iti maika-49 nga Association of Southeast Asian Nations (ASEAN) Summit manipud Nobiembre 16 agingga 18.
Indatag ti ahensia iti intero a sektor ti enerhia babaen ti enhanced operational readiness tapno dagus a mataming ti aniaman a pannakasinga ti suplay ti kuryente.
Segun ken ni DOE Secretary Sharon Garin, ininget ti DOE ti panangmonitor iti power grid ken koordinasion iti National Grid Corporation of the Philippines (NGCP) ken distribution utilities, bayat ti panangmantener ken panangtarimaan kadagiti pasilidad sakbay ti summit.
Impatungpal ti ahensia ti pannakasuspende dagiti naituding a pannakatarimaan a mabalin a pakaigapuan ti power interruption bayat ti nasao nga aktibidad tapno masigurado ti natalged ken naballigi a panagsangaili ti pagilian.
