Opisyal nga inrusat ti Bureau of Internal Revenue (BIR) ti digital version ti Taxpayer Identification Number (TIN) ID a mabalin a ma-access ita babaen ti eGovPH mobile application.
Gagem ti addang a palakaen dagiti transaksyon dagiti Pilipino iti gobierno ken ikkaten ti pannakipilan nga agala ti physical ID card.
Ti proyekto ket resulta iti panagtinnulong ti BIR ken Department of Information and Communications Technology (DICT) kas paset iti nalawlawa a digitalization program iti gobierno.
Segun ti BIR, ti inisyatibo ket panagtultuloy ti Online Registration and Update System a nairusat idi 2023 tapno maliklikan dagiti fixer ken illegal a panaglakoan iti TIN.
Kasapulan a maipada ti impormasyon iti eGovPH profile ken iti ORUS database tapno ma-access ti digital ID.
