Ad-adalen ti Bureau of Internal Revenue ti pannakapalawa ti one-time tax abatement program tapno mairaman dagiti babassit a negosio nga adda tinawen a gross sales-na a P3 million aagingga iti nababbaba ngem iti P20 million.
Segun iti BIR, umabot iti 3,929 a taxpayer ti nabenepisyaran iti programa, idinto a P266.79 milion a buwis ken penalties ti naksay agingga Oktubre 24, 2026.
Iti agdama, sakup ti programa dagiti micro taxpayer nga adda tinawen a gross sales-na a nabab-baba ngem iti P3 million ken adda kwalipikado nga obligasionna a saan a nalablabes ngem iti P80,000, a mabalin a mabayadan babaen iti ₱5,000 abatement fee kas maisurot kadagiti naituding a kondision.
Silulukat ti programa agingga Disyembre 31, 2026 ken gagem ti BIR a matulongan ti ad-adu pay a babassit a negosio tapno nasaysayaat dagiti obligasionda iti buwis.
