
Pimmusay ni Irish boxer Lee “El Champo” Reeves kalpasan ti adu a bulan a pannakilaban na para iti biag na kalpasan ti knockout-na iti boxing match idi Agosto 1 idiay Dublin, Ireland.
Nakilaban ni Reeves ken ni Gary Cully para iti BUI Celtic Light-Welterweight title, ngem naabak iti maika-10 a round kalpasan a namin dua a natumba.
Dagus a naitaray daytoy iti ospital ken naopera sakbay a naikabil iti medically induced coma gapu iti nakaro a kasasaad na.
Nangiyebkas met ti pannaki pagladingit na ti coach na a ni Jonathan O’Brien, ken Cully,nga agpada a nangted iti pammadayaw iti pimmusay nga boxer.
Malaksid iti boksing, pagaammo met ni Reeves kas maysa nga mental health awareness advocate ken ambassador ti Limerick Treaty Suicide Prevention group.










