--Ads--

Nagpirma ti Department of Energy (DOE) ken ti gobierno ti Japan iti katulagan para iti pannakaipasdek ti strategic petroleum reserves wenno national oil reserves ti Pilipinas.

Indauluan da DOE Secretary Sharon Garin ken Japanese Minister Ryosei Akazawa ti pannakapirma ti Memorandum of Cooperation tapno mapapardas ti pannaka parang-ay dagiti reserba ti krudo.

Karaman iti katulagan ti panagadal kadagiti pasilidad iti panagimpen, sistema ti panag Imbakan ken posible a pamay-an ti pannaka pondo dagiti proyekto.

Segun iti DOE, makatulong daytoy tapno masigurado ti umdas a suplay ti petrolyo ken agsagana iti posible a krisis wenno pannaka singa ti sangalubongan a suplay ti petrolyo.

-- ADVERTISEMENT --