
--Ads--
Mangnamnama ti Pilipinas nga umanamong ni US President Donald Trump a mangibaba iti taripa kadagiti produkto ti Pilipino bayat ti panagbisita na ditoy pagilian para iti ASEAN Summit.
Segun ken ni Trade Secretary Cristina Roque, kiddawen ni Presidente Ferdinand Marcos Jr. ken ni Trump a kissayan ti 12.5 percent tariff nga impataw ti Estados Unidos iti exports ti Pilipinas idi Hulyo.
Karaman kadagiti nagsaritaan dagiti dua a lider ket ti joint administrative order a napirmaan idi Hulyo mainaig iti nasao a taripa.
Nupay kasta, saan nga inkeddeng ti DTI no ania a porsiento ti kayatna a baro a taripa ti Estados Unidos.
-- ADVERTISEMENT --










