
Target ti Board of Investments (BOI) a maallukoy ti saan a kumurang a P1 billion kadagiti investments ti Canada ken pagbalinen ti Canada a maysa kadagiti top 10 largest foreign investors iti Pilipinas iti uneg ti tallo a tawen.
Usaren ti BOI ti mapaspasamak a Philippines-Canada Free Trade Agreement (FTA) tapno maallukoy dagiti negosiante ken investors a taga-Canada iti pagilian.
Ipangpangruna ti ahensia dagiti kritikal a mineral, nadalus nga enerhia, advanced manufacturing ken digital services, bayat a kitaenda met ti pananggun-od iti pondo manipud kadagiti Canadian pension funds ken private equity firms.
Segun ken ni Canadian Minister of International Trade Maninder Sidhu, ti tariff agreement ket mangkissay iti 95 a porsiento iti panagtagilako iti nagbaetan ti dua a pagilian ken manamnama a makatulong a mangtriple iti bilateral trade inton tawen 2035.










