
Target ti National Kidney and Transplant Institute (NKTI) ken Philippine Cancer Center (PCC) ti pananglukat kadagiti baro a pasilidad inton 2027 agingga 2028.
Dagiti baro a pasilidad NKTI ken PCC ket nairanta a mangrugi ti operasion inton kalpasan ti 2027 agingga iti rugrugi ti 2028 kalpasan a makadanon dagiti proyekto iti Phase 3 ti panagbangon.
Ti 12-story extension ti NKTI ket addaanto iti 200 a hemodialysis machine a makabael a mangserbi iti agarup 600 a pasiente iti kada aldaw iti tallo a shift, malaksid pay iti outpatient surgery center ken dadduma pay a medikal a serbisio.
Mauktan ti umuna a lima a kadsaaran ti PCC ken pakaikabilan dagiti pasilidad ti chemotherapy, laboratorio ken genomic center tapno makatulong a mangikeddeng iti maitutop a panangagas iti kanser para iti tunggal pasiente.
Segun ken ni Health Secretary Edwin Mercado, panggep ti pannakapalawa dagiti dua nga ospital tapno mapaadu ti kapasidad ti medical services ken mapadaras ti pannakaagas dagiti pasiente nga agkasapulan iti dialysis ken cancer care.










