Natalged dagiti tallopulo ket innem a Filipino seafarer kalpasan a nakaruar dagiti dua a barko a naglugananda iti Strait of Hormuz kas pinasingkedan ti Department of Migrant Workers (DMW).
Segun ti DMW, naapektaran dagiti barko iti Persian Gulf gapu iti agtultulou a tensyon idiay Middle East ket dagiti seafarer ket nakalugan kadagiti vessel nga adda bandera iti Russian ken Liberian.
Umabot iti nasurok-kumurang 1,000 a bilang dagiti Pilipino seafarer iti nakaruar manipod Strait of Hormuz.
Innayon ti ahensia a makikamkammayetda kadagiti apektado a seafarers ken pamiliada.
Immunan nga indeklarar ti DMW ti Persian Gulf ken Strait of Hormuz kas maysa a “warlike operations area” a mangmangted iti dalan kadagiti Filipino seafarer nga agkedked a dumalyasat iti high-risk a lugar.
