Nagyaman ken ni Presidente Ferdinand Marcos Jr. ken iti gobierno ti maysa nga Overseas Filipino Worker (OFW) a nadunor iti pannakaatake idiay Riyadh, Saudi Arabia idi Oktubre 10.
Iti agdama, agpapaimbag itan ti OFW idiay Burn Unit ti King Saud Medical City babaen ti tulong ti asawana nga agtrabtrabaho kas nurse iti nasao nga ospital.
Nangipaay ti Department of Migrant Workers (DMW) iti pinansial a tulong babaen ti AKSYON Fund kalpasan a personal a simmarungkar kenkuana ni DMW Secretary Hans Leo Cacdac.
Inkari ti Department of Migrant Workers (DMW) ken Overseas Workers Welfare Administration (OWWA) a sukimatenda ti kasapulan ti anak ti OFW iti General Santos City para iti kanayonan a tulong iti kolehio, bayat nga agtultuloy ti panangmonitorda kadagiti pito a Pilipino a nadunor iti insidente.
