Kanayonan a 117 nga Overseas Filipino Workers (OFWs) ti nakaawid iti pagilian manipud Saudi Arabia kalpasan ti agsasaruno a panangraut.
Napasangbayan dagiti OFW iti Ninoy Aquino International Airport (NAIA) Terminal 3 babaen ti panangimaton ti Department of Migrant Workers (DMW) ken ti Overseas Workers Welfare Administration (OWWA) kas paset ti programa ti gobierno para iti kinatalged dagiti Pilipino iti ballasiw-taaw.
Nangipaay pay ti gobierno iti medical ken pinansial a tulong, temporario a pagnaedan, ken transportasion nga agsubli kadagiti probinsiada para kadagiti nagawid nga OFW.
Agdagup 383 nga OFWs ken dagiti agpampannuray kadakuada ti nagawid manipud Oktubre 19 agingga 25, bayat a manamnama ti sumangpet pay a 39 nga OFW manipud Saudi Arabia iti sumarsaruno nga aldaw.
